لا اله الا الله ... ابقي سلملي عالزحف واللي بيزحفوا :(

فاتح الجزيره مباشر بقالي ساعه
عمال اتفرج

هيا دي الناس اللي كانت بتصلي الفجر الصبح؟
بسم الله بسم الله واذان عالمدني وهاتك يارقص

هما دول اللي حيحرروا المسجد الاقصي
بقي دول كمان يومين المفروض انهم رايحين يجاهدوا في سبيل الله

حاجه تحزن والله
يعني برغم دعوات كل الشيوخ والائمه وقاده حماس وفتح نفسهم بلاش زحف علي فلسطين دلوقتي
ربنا بيقول
"وأعدوا لهم ما استطعتم من قوة ومن رباط الخيل ترهبون به عدو الله وعدوكم وأخرين من دونهم لا تعلمونهم الله يعلمهم "

الاعداد لازم يبقي نفسي وبدني
مش بالاغاني حنحرر فلسطين
مش بعبد الحليم
مش بالاغاني الوطنيه
اسرائيل مبتهزرش
اليهود مبيلعبوش
لازم نبقي مسلمين قلبا وقالبا الاول قبل ما نحارب اليهود
هوا ده اللي يخوفهم
مش صلاه فجر بعدد كبير هيا اللي حتخوفهم
المداومه والاستمرار علي صلاه الفجر هيا اللي حترعبهم

اتقوا الله في انفسكم ياشباب

الله ينور عليك

متفق معاك تمامآ
أتمنى ان الموضوع ده ما يحصلش

المصالحة الفلسطينية بقالها كام أسبوع و أعتقد ان دى اول خطوة إيجابية من مدة طويلة
لو الفلسطنيين عايزين يضغطوا فهم ممكن يعملوا مطالب و يقدموها للحكومة الفلسطينية و يضغطوا لتحقيق المطالب دى
إنما الضغط على إسرائيل بالزحف و لا بالإعتصامات ... ده يبقى تهريج

ربنا يستر و يعقلوا

انا عارف ان الهدف نبيل جدا
وكلنا نفسنا فيه والله
بس الواحد يحدد هوا عاوز ايه ويحدد حيوصله ازاي
مش يطلع كده وخلاص

لو طلعوا ووصلوا الحدود حيضربوا اقل واجب بالطيران
وساعتها الجيش مش حيسكت
وحتتقلب حرب احنا مش قدها ولا وقتها خالص دلوقتي

الرسول والصحابه كان معاهم دين في غزوه احد وكان جواهم يقين بالله
ومع ذلك هزموا في الغزوه عشان امر واحد من اوامر الرسول متنفذش

ومع انه الرسول صلي الله عليه وسلم وكان معاه من الصحابه مئات
ودين ما بعده دين والتزام ما بعده التزام
ومع ذلك عدم الالتزام بالخطه ادي الي الهزيمه

يبقي التخطيط مش عيب اهو
العيب اننا نمشي وراء دعوه عاطفيه بدون تخطيط ولا حتي سلاح ندافع بيه عن نفسنا

ولا تلقوا بايديكم الي التهلكه واحسنوا

انما كمان قبل الزحف تتقضي رقص علي اغاني وطنيه
يبقي دول حيحصل فيهم ايه
مش بعيد يروحوا يشتغلوا في اسرائيل بعد الزحف
:)

علي فكرة في ناس مقتنعة انها هاتدخل فلسطين عافية النهاردة و هاتصلي في القدس....علي اساس ان اسرائيل هتلاقي حشود داخلة عليها هاتخاف و تتنحي زي مبارك
و احنا اللي كنا بنقول علي القذافي مجنون!!!! ده طلع في ناس كتيييييير مجانين

المشكلة لما تتكلم مع حد منهم و تقوله ايه الهبل ده يهاجمك و كأنك يهودي و اتوقع ظهور تهمة جديدة اسمها " فلول اسرائيل"

سياسة القطيع فى الحيوانات او الاسراب فى الطيور
واحد يمشى والباقى وراه
وللاسف
قائدهم مبوديش اتباعه فى التهلكة
لكن بعض البشر لا
عقولها اقل

ربنا يستر

طب انا نفسي افهم
يعني شيوخ السلف كلهم افتوا بعدم جواز الخروج للزحف ده
وبالادله

والاخوان اللي هما طول عمرهم قضيتهم الاولي فلسطين مخرجوش وقالوا بردو غلط

طب مين بقي اللي عمال يعمل الدعواات دي عالفيس بوك
والغريب انها صفحات وجروبات اسلاميه
طب هوا انتو ماشيين بدماغكو يعني ؟
الشيخ يقول اللي علي هواكو تحطوا فيديوهات تأيد الكلام
يقول عكس هواكو ولا كأنه بيقول حاجه
؟
شئ غريب بجد يعني

اقتباس:

---

المشاركة الأصلية كتبت بواسطة funnymickey

طب انا نفسي افهم
يعني شيوخ السلف كلهم افتوا بعدم جواز الخروج للزحف ده
وبالادله

والاخوان اللي هما طول عمرهم قضيتهم الاولي فلسطين مخرجوش وقالوا بردو غلط

طب مين بقي اللي عمال يعمل الدعواات دي عالفيس بوك
والغريب انها صفحات وجروبات اسلاميه
طب هوا انتو ماشيين بدماغكو يعني ؟
الشيخ يقول اللي علي هواكو تحطوا فيديوهات تأيد الكلام
يقول عكس هواكو ولا كأنه بيقول حاجه
؟
شئ غريب بجد يعني

---

الله ينور عليك يا صبحى باشا هو ده الكلام انا فى العريش الدنيا هنا فى أزمه طوابير عيش و الحاجات غاليه ليه علشان حيتجمعو و يروحو اسرائيل مش بتهزر و اللى بيعملوه ده بمنتهى البساطه حل لاسرائيل سحرى الفلسطنين يخشو رفح و العريش و شويه مخيمات و ليهم قرايب هنا فى سينا يعنى الموضوع سهل و يبقى ده الوطن البديل و ابقى اعرف خرجهم يا معلم

ماعتقدش ان في حاجة هتحصل والقوات ع الحدود مش هتسمح بكدا اصلا !
الي ممكن يحصل الي جوا فلسطين بس ..

انا حاسس ان يا اما الاخوة فاهمين غلط يا اما انا فاهم غلط

ماحدش من هنا هايدخل اسرائيل في جماعات خالص !!!
الناس اخرهم هايروحوا سينا بس

انا خايف يحصل ضرب بينهم وبين الجيش اصلا

اقتباس:

---

المشاركة الأصلية كتبت بواسطة funnymickey

انا خايف يحصل ضرب بينهم وبين الجيش اصلا

---

+1
تاني حاجة
وضع الجيش في موقف محرج مع الدول الاجنبية

............ منقول ...............
الإسماعيلية - ولاء وحيد:


تظاهر العشرات من المتضامنين والناشطين امام مدخل كوبري مبارك للسلام المار على قناة السويس لمنع قوات من الجيش والشرطة مرورهم.
ردد المتظاهرون شعارات ابرزها "اعتصام اعتصام حتى يفتح كوبري السلام".
وقالت مصادر عسكرية: إن كافه المعابر المؤدية لسيناء تم إغلاقها من السابعة من صباح اليوم الجمعة بشكل جزئي وتمر حركة السير القادمة من سيناء بشكل طبيعي ودون توقف فيما يتم السماح بدخول السيارات والشاحنات إلى " كوبري مبارك السلام "ومعديات الأفراد والسيارات" ببطاقة الهوية للتأكد من محل إقامتهم.
وأكدت المصادر انه من المحتمل تغيير الخطة الموضوعة في اى لحظة بالنسبة لفتح أو غلق المعابر المؤدية للجهة الشرقية أو بالنسبة للتأمين بشكل عام على تلك الأماكن طبقا لتطور الأحداث وتوافد المشاركين في مليونية الزحف إلى الحدود بين مصر وقطاع غزة.
وقال شهود عيان إنه تم السماح لمرور السيارات الخاصة أعلى كوبري قناة السويس فيما يتم التفتيش للحافلات والشاحنات.


اقرأ المقال الأصلي علي بوابة الوفد الاليكترونية منع مرور متضامنين لسيناء

ربنا يسترها ياباشا والله
حتبتدي بمظاهرات ولسه في اسماعيليه
امال لما يوصلوا سيناء حيعملوا ايه

أكتر حاجة تضايق أن الناس مش بتحسب الخطوة قبل ما تعملها يعنى فية ناس بتشغل ذراعها قلا ما تشغل مخها
مش فاهم هو الجيش دة حا يلاحق على مين و لا على مين

دول ممكن يكونو عملا

وممكن جدا يكون الموساد الاسرائيلي اخترق الفيسبوك وبيغمل دعايه للزحف يامعلم

مع بقايا الننظام

.............. منقول ................
الآلاف أدوا "مليونية صلاة الفجر" ورددوا "على القدس رايحين شهداء بالملايين"
أدى آلاف المصلين صلاة الفجر اليوم الجمعة بمساجد النور وعمرو بن العاص وميدان التحرير والمحافظات المصرية والملقبة بـ " مليونية صلاة الفجر"، والذى دعا إليها آلاف من المسلمين على الموقع الاجتماعى بشبكة الإنترنت"الفيس بوك"، من خلال تنظيم صلوات فجر مليونية ، فى أيام الجمعة ، والسبت ، والأحد القادمين ، من أجل نصرة الشعب الفلسطينى تحت شعار "الشعب يريد العودة إلى فلسطين".
وحدد منظمو دعوة فجر المليونية قائمة كاملة بالمساجد التي سيتم الصلاة فيها حيث حددوا مساجد :النور بالعباسية وعمرو بن العاص بمصر القديمة فضلا عن ميدان التحرير.
وفى مسجد النور بالعباسية، أدى حوالى 6آلاف شخص صلاة فجر الجمعة فى المسجد الرئيسى والشوارع المحيطة به وتنوعت جموع المصلين مابين شباب وشيوخ ونساء وسط ارتفاع الاعلام الفلسطينية داخل وخارج المسجد وتواجد ملحوظ للشرطة العسكرية .


وردد المصلون عقب الصلاة " بالروح بالدم نفديك يا فلسطين "، " على القدس رايحين ، شهداء بالملايين"، فيما غابت أية منشورات ذات صبغة معينة لأية قوى سياسية"
التواجد المكثف فى هذا التوقيت انعكس على الحركة المرورية فى المناطق المحيطة بمسجد النور ، لتشهد محاولات من رجال الشرطة العسكرية لتحقيق السيولة المرورية ، فيما اتجه عدد كبير من المصلين إلى ميدان التحرير .
وفى مسجد عمرو بن العاص ، قام الشيخ محمد جبريل الداعية الاسلامى بإمامة حوالى ألفين شخص فى مليونية صلاة الفجر، حيث قاموا بترديد هتافات تؤكد على وحدة الشعب العربى تجاه الموقف المؤيد للحقوق الفلسطينية وتحرير أرض فلسطين وإقامة دولة فلسطينية ذات سيادة، وعقب الصلاة توجه جموع المصلين إلى ميدان التحرير للمشاركة فى المليونية.
وفى ميدان التحرير، قام حوالى ثلاثة ألاف شخص يحملون العلم الفلسطينى بإداء صلاة الفجر فى الساحة الرئيسية وبعد الصلاة تعالت الهتافات المؤكدة على نصرة الشعب الفلسطيني وحقوقه المشروعة ، تلاها مناظرات بين الحاضرين فى عدد من القضايا على الساحة وأبرزها ملف كاميليا شحاتة والفتنة الطائفية.
المصلون لم يقتصروا على فئة معينة دون غيرها ، بل حضرت عشرات العائلات لأداء صلاة الفجر فى ميدان التحرير الذى يعتبر علامة فاصلة فى مصر.
تأتى مليونية الفجر فى أولى فعاليات ما يطلق عليها "جمعة النفير" أو "جمعة الزحف" دعما للانتفاضة الفلسطينية الثالثة ، والتى من المفترض أن تستكمل فعاليتها بالتحرير عبر أداء صلاة الجمعة يليها إقامة قداس ، ومن ثم إطلاق قوافل إلى رفح .. "وهو ما دعت وزارة الداخلية لايقافه نظرا للظروف الدقيقة والحساسة التى تمر بها مصر وتغليبا للمصلحة العليا للوطن ودرءا لأى تداعيات محتملة قد تنتج عن ذلك التحرك .

اقتباس:

---

المشاركة الأصلية كتبت بواسطة aminibrahim

دول ممكن يكونو عملا

وممكن جدا يكون الموساد الاسرائيلي اخترق الفيسبوك وبيغمل دعايه للزحف يامعلم

مع بقايا الننظام

---

هو ممكن جدا لا يكون أخترق و لا لة دعوة بس فكرو كويس و عملو حسابهم الذكاء نعمة حقيقية و التهور مش ذكاء
............ منقول ....................
يوم الزحف"، هكذا فكرت معظم الشعوب العربية لانطلاقها إلى قطاع غزة والمناداة بتحرير فلسطين تزامنا مع نجاح ثورات عربية في القضاء على الأنظمة البائدة، ورغبة الشعوب العربية في تحويل هذا التاريخ إلي يوم انتصار وليس نكبة.
ترصد "بوابة الأهرام" ردود أفعال التصريحات الإسرائيلية واستعدادها لذلك اليوم، كما ترصد ومن سيناء ردود الأفعال المصرية واستعدادات محافظة شمال سيناء لهذا اليوم باعتبارها بوابة الدخول والخروج إلى قطاع غزة.
في البداية تقول إذاعة إسرائيل، إن جيش الاحتلال يستعد لتعزيز قواته حول البلدات الفلسطينية في الضفة الغربية، وذلك مع اقتراب ذكرى النكبة والتهديد العربي بيوم الزحف على فلسطين، عقب دعوات فلسطينية في الأسابيع الأخيرة لتنظيم "يوم غضب" في أنحاء الضفة الغربية وقطاع غزة، وتنظيم مظاهرات ومسيرات في ذكرى "يوم النكبة" في الخامس عشر من مايو الحالي، تحت شعار إنهاء الانقسام وإقامة الدولة الفلسطينية المستقلة.
كذلك استعداد معظم الدول العربية للمشاركة في هذا اليوم بحضور 3 ملايين مواطن إلى قطاع غزة للمشاركة فيما أشارت صحيفة "هاآرتس" الإسرائيلية إلى أن استعدادات جيش الاحتلال تأتي عقب الدعوة لتنظيم "يوم غضب" و"انتفاضة ثالثة".
نقلت الصحيفة عن مصادر في الجيش قولها إن الجيش لا يستطيع تقدير حجم الأحداث، وما إذا كانت خرج عن نطاق المناطق الخاضعة للسيطرة الأمنية الفلسطينية، إلا أن الجيش يستعد لإمكانية أن يحاول آلاف الفلسطينيين التوجه باتجاه إحدى المستوطنات في الضفة أو باتجاه جدار الفصل العنصري أو السياج الحدودي المحيط بقطاع غزة. وجاء بالصحيفة أيضا أن جيش الاحتلال ينوي وقف تدريبات قسم كبير من الوحدات النظامية، وذلك لنشرها في مواقع الاحتكاك المحتملة في الضفة الغربية، بعد تدريبهم على استخدام وسائل تفريق المظاهرات.
وضحت الصحيفة أن الجيش الإسرائيلي سيعزز من قوات "حرس الحدود" المختصة بـ"تفريق المظاهرات". كما جاء أن جيش الاحتلال قام في السنوات الأخيرة، بعد الحرب العدوانية على لبنان، بتقليص قواته النظامية في الضفة الغربية لصالح زيادة التدريبات الطويلة والمركبة.
وبحسب "هاآرتس" أيضا فإن جيش الاحتلال يأمل فى أن تقوم قوات الأمن الفلسطينية بمنع خروج المتظاهرين إلى خارج البلدات الفلسطينية مثلما حصل في السابق.
أشارت في الوقت نفسه إلى أن ما يسمى "قيادة المركز العسكرية" تستعد لسيناريوهات أخرى تمتنع فيها قوات الأمن الفلسطينية عن التدخل لمنع وصول آلاف الفلسطينيين وملايين العرب إلى جدار الفصل أو إلى إحدى المستوطنات.
ضمن استعداد جيش الاحتلال فقد تم وضع "خطوط حمراء" تشتمل محاور المواصلات المركزية في الضفة الغربية وجدار الفصل والسياجات المحيطة بالمستوطنات.
وبحسب "هاآرتس" أيضا فإن جيش الاحتلال منتبه إلى حقيقة أن وسائل إعلام وطواقم تصوير سوف ترافق المظاهرات، وبالتالي فهو سيحاول تجنب سفك الدماء التي من شأنها أن تتسبب بـ"موجة عنف جديدة في الضفة الغربية".
وأضافت أن جيش الاحتلال يتابع عن كثب نشاط مجموعات فلسطينية وعربية في شبكات التواصل الاجتماعي، مثل الـ"فيسبوك"، بهدف بناء تصور لما يمكن أن يحصل وأين.
أما عن ردود أفعال الشارع السيناوي، فإنه يشهد زحاما شديدا أمام محطات البنزين، وتسابق على محلات الدقيق فالجميع يحاول أن يأخذ مايكفيه لمدة أسبوعين على الأقل ليس لنقص في المواد البترولية أو التموينية ولكن لما يتردد من نية قيام بعض الشباب بوضع خطة للتجمع من أجل فلسطين على برنامج التواصل الاجتماعي 'فيسبوك' في 15 مايو من الشهر الحالي ودعوتهم إلى مسيرة مليونية عالمية يوم 15 مايو القادم ووضعوا خطة للتحرك.. في جميع دول العالم تبدأ يوم 13 حتى 15 مايو.
هذا الطرح أثار الخوف جميع أسر العريش خاصة أنه تبادر إلى أذهانهم في الأعوام السابقة تدفق الفلسطينيين علي مدينة العريش مما جعل المحافظة تعاني من نقص شديد في المواد الغذائية والبترولية وقتها وتخوف من دعوة الشباب للزحف تقوم الأسر بشراء احتياجاتها.
فيما رصدت "بوابة الأهرام" آراء المواطنين بشمال سيناء لبحث أسباب تخوفهم، حيث نظمت جميع الحركات السياسية بالمحافظة عديد من المؤتمرات لمناقشة مايسمي يوم الزحف حيث انقسمت الآراء إلى ثلاث وجهات فمنهم من يري تأجيل هذا الزحف لحل المشاكل الداخلية والبعض الأخر يري أن الاستعداد غير كافٍ لعمل مثل هذة الأمور فيما يقوم الرأي الثالث علي مساندة الأشقاء بجميع محافظات مصر إذا ما أصروا على الزحف.


رابط دائم:
كلمات البحث:شمال سيناء| يوم الزحف| سيناريوهات


3396 قراءة
ارسل لصديق
تعليقات
طباعة





5 تعليقاتإضافة تعليق


5 - كتبه Dr
13/05/2011 01:43:40 م
خد بالك يامصري
أنا بجد ضد يوم الزحف ومع الرأي الذي قال إن الوقت غير مناسب من عدة جهات منها :- عدم استقرار الجبهة الداخلية وجود شرار الفتن الطائفية والأهم أننا لا نريد أن ندخل الجيش في حوارات خارجية نحن في غنى عنها في الأوقات وأن أيضا مع رأي الذي قال إن البلاد غير مستعدة لمثل هذه القتراحات

أبلغ عن تعليق غير لائق

4 - كتبه محمد جمعه
13/05/2011 10:21:01 ص
تشجيع للشباب
نتمني من الله ان يكون مع شباب مصر والوطن العربي الذي يريد تطهير البلاد من الفساد ومن الخونة الذين استعمروهم والذي يريد تحليص الاقصي وفلسطين من اليهود الذين لعنهم الله سبحانه وتعالي في كتابه العزيز وعرفنا بصفاتهم التي لم تقبل وان الشباب لايريد تخريب ولكن يريد ان يعمر البلاد من التخريب والشباب يد واحدة ضد التخريب والمخربين ونرجو من الله ان يوفقنا ان شاء الله سبحانه وتعالي والسلام عليكم ورحمة الله وبركاته

أبلغ عن تعليق غير لائق

3 - كتبه أحمد سلامه
13/05/2011 08:35:50 ص
نعم يا أخى أصابهم الجنون ..
شباب اليومين دول ما بيفكرش بعقله أبدا .. وواخد كل الأمور سبهلله .. وشاطر بس يعايب على جيلنا فى 67 لما اتنكسنا .. طيب ما كانت العمليه فى 67 تهريج شبيه بده .. الفارق انها فى 67 عسكريه والنهارده مدنيه .. المهم إن البلد النهارده مش مستحمله ورايحين يجروا خناق اسرائيل .. نعن سوف تبقى مجزره وربنا يسترها .

أبلغ عن تعليق غير لائق

2 - كتبه سلفى وافتخر
13/05/2011 05:33:03 ص
من القائد
انا اول واحد مستعد للذهاب فهو جهاد فى سبيل الله وليس بعد هذه المنزلة منزلة فى الدين ومن مات ولم يجاهد ولم يحدث نفسه بالجهاد مات على شعبة من النفاق لكن: يقول علماؤنا ان الجهاد لابد ان يكون تحت راية اى لابد من قائد وهذا الامر غير موجود فى مثل هذه المسيرة ولو قلت ان هذا الامر نجح فى بلادنا ولم يكن هناك قائد اقول لك الامر يختلف من ناحية انك لم تكن خارج لتقاتل عدو وان هذا الحاكم الذى اعانك الله وخلعته انت الذى انتخبته ولم يكن بديل له إلا ان يطيعك اما هذا الذى تريد ان تذهب إليه فهو ليس مضطر ان يطيعك وسيجد كل كفار الدنيا يعينونه. ترشد هدانى الله وإياك وفك اسر بلادنا امين.

أبلغ عن تعليق غير لائق

1 - كتبه محمد
13/05/2011 12:54:56 ص
تحذير هام !!!!
هل اصابكم الجنون اليهود حيخلصوا عليكم وحتحصل مجازر كبرى والأمم المتحدة مش حتدخل لأنها حتعتبروا دفاع من اسرائيل عن نفسها والشباب دول حيجروا الدول العربية للخراب أكثر البلد مش ناقصة كفاية الفتن اللي فيها فلسطين مش حتتحرر الا اذا العرب اتحدوا وجمعوا جيوشهم وسحقوا اسرائيل الحرب مش تهور والتحرير لن يأتي الا بالحرب وكمان امريكا حتساند اسرائيل ومستعدة تعمل اي حاجة عشان تحميها حتى لو بالنووي اعقلوا يا شباب ارجوكم انا واحد زيكم بس انا اعملت عقلي جيداً واتخيلت ايه اللي ممكن يحصل مطحطوش مصر في موقف حرج الكلام ده لما العرب يتحدوا وترجع الخلافة وتتحد الجيوش العربية ارجوكم مش اي فكرة تعملوها مشروع كبير عليكم بالدعاء ان يحكم مصر حاكم صالح وسائر بلاد المسلمين وأن يرفضوا الذل وان يحرروا فلسطين, انتوا كدة بتحطوا الجيش في موقف حرج وممكن تخلوا يخرج عن عقلانيته ويموت فيكم زي ما بيحصل في ليبيا والشعب والجيش يتفرقوا وتحصل فتنة كبرة تخرب مصر ويضغط المجتمع الدولي على مصر ويحدث حصار اقتصادي وقد يكون عسكري ارجوكم مصر أولاً وفوق كل شيء ثم فلسطين , اصلحوا نفسكم قبل أن تصلحوا فصلاحكم سيساندكم في الاصلاح.

اقتباس:

---

المشاركة الأصلية كتبت بواسطة heshamzaky

أكتر حاجة تضايق أن الناس مش بتحسب الخطوة قبل ما تعملها يعنى فية ناس بتشغل ذراعها قلا ما تشغل مخها
مش فاهم هو الجيش دة حا يلاحق على مين و لا على مين

---

اقتباس:

---

المشاركة الأصلية كتبت بواسطة aminibrahim

دول ممكن يكونو عملا

وممكن جدا يكون الموساد الاسرائيلي اخترق الفيسبوك وبيغمل دعايه للزحف يامعلم

مع بقايا الننظام

---

والله الواحد ماهو عارف البشر الجهلة دي هاتودينا على فين
:untitled 1:
بدل مايسيبو أولي الأمر يخططو بحكمة عاملين ضغط سلبي عليهم
ماقولنا من الأول ديمقراطية في بلد نسبة الأمية فيها 40%!!.........تحدي مش سهل برضه
ربنا يستر من الغوغاء

كلنا نفسنا في يوم ناكل فيه الصهاينة..بس مش في الاسبوع ده

لو حد جوه مصر و بيسخن يبقى اما متخلف أو خاين

يجماااااعه
صلوا على النبى كدا واهدوا
انا نزلت صليت الفجر جماعه فى التحرير الحمد لله انهارده وكان الامام الشيخ صفوت حجازى
وقابلت حوالى 10 اصدقائى هناك
ولا واحد فيهم بيقول هندخل القدس ولا هنحارب بعد بكره ولا الكلام دا
كلنا رايحين عشان اولا نصلى جماعه الفجر
ثانيه عشان نتجمع وتبقى رساله بصوت عااالى ومسموعه فى نطاق تظاهره سلميه لتأيد قضيه فلسطين
يعنى مجرد رساله وتظاهر اما السفاره
وفيه ناس هتبعت مساعدات انسانيه ليهم
حتى الشيخ صفوت حجازى اكد على ان مفيش حرب ولا الكلام دا
ودا رأى ناس كتير من اللى اتكلمت معاهم هناك

اقتباس:

---

المشاركة الأصلية كتبت بواسطة otefa

والله الواحد ماهو عارف البشر الجهلة دي هاتودينا على فين
:untitled 1:
بدل مايسيبو أولي الأمر يخططو بحكمة عاملين ضغط سلبي عليهم
ماقولنا من الأول ديمقراطية في بلد نسبة الأمية فيها 40%!!.........تحدي مش سهل برضه
ربنا يستر من الغوغاء

---

أنت عارف يا باشا نص الناس الى متعافية دى أساسا و لا واحد منهم مدرب على حمل سلاح و لا يعرف يشيل غير نبوت بالكتر مش بنادق حديثة جدا زى الى مع العدو و يوم ما يحصل ضرب يقولو للجيش الحقونا و يورطو الجيش فى مشاكل بغبائهم دة
و اية رايك لو الناس الى فاتحة صدرها دى قولت لة عاوز تحرر الارض تعالا أتطوع و تتدرب فترة و أوديك هناك مش حا ينزل من بيتهم من الاساس ساعتها

.............. منقول .................

دعماً للانتفاضة الفلسطينية الثالثة التى تبدأ فاعليتها اليوم، الجمعة، أدى عشرات الآلاف من المسلمين صلاة الفجر بجمعة "النفير" أو الزحف" بالقاهرة والمحافظات، وسط دعوات بنصرة فلسطين.

ففى القاهرة، تميزت بطابع خاص إذ أَمَّ الداعية صفوت حجازى آلاف المسلمين الفجر بميدان التحرير الذى عرف بأنه ميدان للثورة المصرية، بجانب الصلاة فى عدد من المساجد الكبرى التى انطلقت منها المسيرات الحاشدة متوجة إلى الميدان عقب أداء الصلاة ومنها مساجد عمرو بن العاص والاستقامة والنور بالعباسية، حيث غطت سماء القاهرة الأعلام المصرية تعانق الفلسطينية.

وحرص الشيخ محمد جبريل الذى أمّ المصلين فى مسجد عمرو بن العاص على التوجه بالدعاء لتحرير الأقصى وحماية مصر وثورتها.

وبمسجد القائد إبراهيم بالإسكندرية، بدأت فعاليات اليوم قبل صلاة الفجر، حيث احتشد العشرات من الشباب السكندرى أمام مسجد القائد إبراهيم تلبية لدعوة الشيخ حافظ سلامة وأحمد المحلاوى، مرددين "أول مطلب للجماهير قفل سفارة وطرد سفير، وقطع الغاز عن إسرائيل"، و"على غزة رايحين شهداء بالملايين"، رافعين الأعلام الفلسطينية والمصرية.

وعي الجماهير امتد إلى شعاراتهم التى رفضوا أن يجعلوها فئوية أو خاصة بالمسلمين فقط وجعلوها تشمل كل المصريين: "اليهود فين المصريين أهم"، و"الشعب يريد إسقاط اليهود"، "بالروح بالدم نفديك يا أقصى"، مرددين تكبيرات العيد.

ودعا إمام المسجد فى دعائه بتفريج كرب المحاصرين فى غزة، وتحرير المسجد الأقصى، مطالبا فى كلمته التى ألقاها عقب الصلاة بأن يتمسك الشباب بأوامر الإسلام وأن يكونوا رجال أفعال لا أقوال.

وانطلقت أولى "القوافل" فى ساعات مبكرة من صباح اليوم من الإسكندرية، حيث حدد محمد على إجراءات السفر عبر أتوبيسات لجنة إسكندرية التحضيرية، قائلا: "صورة بطاقة، وإقرار يكتبه المسافر على نفسه بأنه مسئول عن تصرفاته ولم يتم إرغامه على السفر"، معللاً ذلك حتى لا يندس فى القافلة أى بلطجى أو خارج عن القانون.

"المايك وملابس للحماية من برد الليل واليو إس بى واللاب توب" هى الأدوات التى حملها سامح مشالى، طالب الحقوق خلال رحلته إلى رفح، واصفاً الرحلة بأنها تعد وسيلة لدعم المحاصرين فى غزة حتى يكتب التحرير لكامل فلسطين، بينما وقف محمد الشاب اليمنى باحثاً عن اللجنة المنظمة لانطلاق الباصات، قائلا: "كنت أعتقد بأن الزحف سيتم للمسجد الأقصى، ولكنى فوجئت بأنه سيمتد حتى الحدود فقط ولذا سأكتفى بأن أرسل بعضا من التبرعات لأهل غزة".

وفى محافظة البحيرة، أم الداعية الإسلامى خالد الجندى المسلمين بصلاة فجر بساحة الشوربجى بمدينة كوم حمادة، وذلك بمشاركة جمعية صناع الحياة وجمعية الراحل محمد صلاح للتضامن مع الانتفاضة الفلسطينية الثالثة.

"الجندى" لم يفوت فرصة الدعاء لنصرة الإخوة الفلسطينيين والدعاء لتحرير المسجد الأقصى، ووأد الفتنة بين المسلمين والأقباط كونهما نسيجاً واحداً ودور الثورة والمحافظة عليها وطبيعة الثورة على النفس ولاسيما لدى الشباب.

وفى سيناء التى استقبلت الآلاف القوافل والوفود المصرية منذ أمس الخميس دعما للانتفاضة الفلسطينية، أدى المسلمون الصلاة بعدد من مساجد رفح والعريش، والتى من المفترض ان تستقبل اليوم عشرات القوافل المنطلقة من القاهرة والإسماعيلية والسويس.

واضح أن الناس دي في حاجة غلط بتدور في طريقة تحليلهم للأمور
سؤال بسيط مش الأولى بدل هدر الفلوس والوقت في مظاهرات وسفر وأستنفار لجيشنا كانو أشتغلو في الوقت ده أوفر تايم والفلوس ألي تطلع كانو أتبرعو للفلسطنيين بيها
ولو أن بلدنا محتاجة تبرع أكثر منهم

اقتباس:

---

يجماااااعه
صلوا على النبى كدا واهدوا
انا نزلت صليت الفجر جماعه فى التحرير الحمد لله انهارده وكان الامام الشيخ صفوت حجازى
وقابلت حوالى 10 اصدقائى هناك
ولا واحد فيهم بيقول هندخل القدس ولا هنحارب بعد بكره ولا الكلام دا
كلنا رايحين عشان اولا نصلى جماعه الفجر
ثانيه عشان نتجمع وتبقى رساله بصوت عااالى ومسموعه فى نطاق تظاهره سلميه لتأيد قضيه فلسطين
يعنى مجرد رساله وتظاهر اما السفاره
وفيه ناس هتبعت مساعدات انسانيه ليهم
حتى الشيخ صفوت حجازى اكد على ان مفيش حرب ولا الكلام دا
ودا رأى ناس كتير من اللى اتكلمت معاهم هناك

---

الله ينور عليك

يا جماعه فعلا الموضوع كان فى البداية غلط (فكرة الزحف وما الى ذلك) اما الآن فالموضوع مُختلف كُليا ، الموضوع مُجرد دعم معنوي للإنتفاضة فى فلسطين ، وانا شايف إن الموضوع لو إستمر كما هو مُعلن عنة مؤخرا هيبقى حاجة كويسة جدا جدا (مجرد وقفات ومفيش أى زحف أو أى حاجه من كده)

وده بجد مهم داخليا وخارجيا

داخليا لإعادة مكانة القضية لدى الناس (محدش ينكر إننا وصلنا لمرحلة إن فى ناس كتير كانوا بيهاجموا الفلسطينيين ومش مُستعدين لفكرة تحرير الأقصى وما الى ذلك)

خارجيا : دعم معنوي للمقاومة فى فلسطين ، وإستعادة الموقف المناهض لإسرائيل من الدول العربية (انا مؤمن بإن من أسباب فقد مصر لمكانتها فى العالم العربي تخليها عن القضية لأنها قضية تهم العرب كلهم وبيحترموا اللى بيدافع عنها)

فأنا برضوا مُتفق معاكم إننا مش فى وقت الزحف والكلام ده ، بس الدعوة حاليا مش للزحف ، الدعوة مُجرد وقفات داعمة مش أكتر

وربنا يكتب لمصر الأصلح

اقتباس:

---

المشاركة الأصلية كتبت بواسطة aminibrahim

دول ممكن يكونو عملا

وممكن جدا يكون الموساد الاسرائيلي اخترق الفيسبوك وبيغمل دعايه للزحف يامعلم

مع بقايا الننظام

---

مش بعيد تكون اسرائيل لها عملاء بيشجعوا الحاجات دي علي النت


اسرائيل دايما تقول انها الدولة الديموقراطية الوحيدة وسط دول ديكتاتورية....دلوقتي اسرائيل ممكن تقول انها الدولة الوحيدة وسط جماعات من البشر لا يمكنهم اقامة دولة

يعني ايه الناس تصحي تصلي الفجر و تقول احنا طالعين علي الحدود؟؟؟ يعني ببساطة مفيش دولة

و في عدم وجود دولة يبقي اي مجموعة من الناس تطلع في دماغها فكرة تروح تنفذها علي طول

مجموعة ناس يروحوا يحرروا فلسطين و يقضوا علي اسرائيل
و مجموعة يروحوا يعملوا امارة قنا في الصعيد
و مجموعةيروحوا عند سفارة امريكا و يطالبوا امريكا تيجي تحميهم

يعني مجموعات من البشر تعيش في داخل حدود معينة و لا تحكمها دولة بالمعني الحديث

لا يختلف اي عربي واعي علي عداله القضيه الفلسطينيه و اغتصاب الكيان الصهيوني عبر وسائل النهب المنظم مستخدما احدث وسائل الدعم المادي من دول العالم الغربي جميعه , و لكن للأسف الشديد اننا كعرب اعتدنا علي الصوت العالي و الهتافات و الحنجريات و العواطف الجياشه و لا نعرف كيف نفكر و نرتب افكارنا و نخطط لشيء ونخطط لتنفيذه , فعندما خططنا لحرب 73 انتصرنا بفضل الله رغم الحسابات الماديه التي تؤكد علي جنون الفكره , وعندما تركنا انفسنا للحنجريات و الشعارات والهتافات انهزمنا في 67 و تكبدنا المشاق للحصول علي النصر , هذه آفه العرب و هي عدم التخطيط .
و بالنسبه لاخواننا الفلسطينيين و دعوات التجمع للذهاب هناك و عبور الحدود و تحرير القدس , فأنا لا اجد كلاما يسعفني للتعبير , و اعتقد ان المنظمات التي تسمي نفسها جبهه التحرير و حماس و فتح و اللذين لا يهمهم في القضيه الفلسطينيه الا الزعامه و تصدر المشهد و نجدهم يشنون الحروب بينهم المسلحه لوجود خلافات !!!!!!!!!!!!!, يعني ارفع سلاح علي اخويا المواطن و اللي انا وهو في خندق واحد في الحرب عشان مين يعدي الأول مثلا!!!!!!!!!! طبعا ما هي كده , حب الزعامه و الغرور والشعور بالتميز و عشق السلطه و الحنجريات هو ده اللي مودينا في داهيه و مخليين اللي يسوي و اللي ما يسواش يلعب بينا , و الاخوه المجاهدين اللي مش عايزيين الدنيا بنشوفهم ليه في افخم الملابس و افخم المنازل و السيارات ؟؟؟ و الشعب مش لاقي ياكل , هو ده الجهاد المودرن بتاعكم مش المفروض انت كقائد تبقي زيك زي الشعب في وقت المحن والحروب عشان يثق فيك , و لا تبقي الناس بتحارب وتشوف الموت و مش لاقيه الطين تاكله و القائد بتاعهم نازل من سياره مصفحه و حاطط برفان و يقول لهم شدوا حيلكوا يا رجاله ربنا يوفقكم ؟؟؟ و يقعد في عيد العمال نلاقي القصائد و المديح و النفاق الأصلي و التطبيل , فين الجهاد ؟؟؟ اين هم من سيدنا رسول الله صلي الله عليه و سلم ؟؟؟ الذي كان سباق بنفسه وقت الحرب ؟؟؟

يا ريت يا جماعه نفكر كويس و ما نسيبش نفسنا لحد يسحبنا بحبل , الناس اللي بتستغل الدين و تلعب في عقول الشباب و بتعمل تعبئه نفسيه للوصول لأهدافهم الخاصه و البعيده تماما عن الدين و المتاجره و التسول بأسم القضيه , واللي بيلاقوا دعم كبير داخلي من بعض التيارات في مصر للزج بشبابها لتحقيق اهدافهم , و يجي يقولك وقت الجد انا ما قلتش الناس هي اللي راحت من نفسها الشعب اللي عايز !!! يا ريت يا جماعه لو في رغبه حقيقيه في نصره الشعب الفلسطيني و اللذي ابتلاه الله بحكامه و استعمار , نمد لهم يد العون من كافه المساعدات الطبيه و الغذائيه و التي يمنعها عنهم العدو لاضعافهم , و نصدر لهم الغاز و الطاقه بدلا من تصديرها للعدو الصهيوني , و نقرب منهم من يستخدم عقله و يمتاز بالدهاء السياسي ليستطيع التعامل مع هذا العدو الداهيه و يستطيع فضحهم علي المستوي الدولي , و يتم تهميش تدريجي للحنجوريين و راغبي الزعامه و السلطه علي حساب الشعوب البائسه .

والله انا شايف ان اللي بيحصل ده حلو مش وحش
طبعا مش قصدي الزحف في هذا التوقيت على الصهاينة
انما حلو ان تخرج الملايين تطالب بتحرير فلسطين وبعدين السلطات تمنع المسيرة والناس تروح زعلانة انها ما حررتش فلسطين النهاردة!!

اصل عارفين ده معناه ايه?

معناه ان اي مستثمر اجنبي كان بيفكر يحط فلوسة في اسرائيل اكيد لما شاف المنظر ده دلوقتي بيفكر في تركيا
اي كلب معاه جنسية تانية غير جنسية الكلاب دلوقتي بيفكر ياخد ولاده ويروح بلده الاولى
معناه ان جيش الكلاب يمنع الاجازات ويطير طيارات استطلاع ويرفع الحالة من الاخضر للاصفر وده يكلف الصهاينة فلوس بالهبل

كل ده حلو وجميل احسن ماهم قاعدين حاطين في بطنهم بطيخة صيفي من الجبهة الغربية

واحنا لا حنهاجم ولا حاجة احنا ورانا حرب بناء لسه ما دخلناهاش

يعني من الاخر استنزاف للعدو بدون تكلفة

فاللي بيحصل ده انا شايفه مصلحة

اقتباس:

---

المشاركة الأصلية كتبت بواسطة funnymickey

المداومه والاستمرار علي صلاه الفجر هيا اللي حترعبهم

اتقوا الله في انفسكم ياشباب

---

+111111111

الناس فاكرة إنها خناقة على القهوة و رقبة قزازة هتخلص الليلة

اقتباس:

---

المشاركة الأصلية كتبت بواسطة funnymickey

طب انا نفسي افهم
يعني شيوخ السلف كلهم افتوا بعدم جواز الخروج للزحف ده
وبالادله

والاخوان اللي هما طول عمرهم قضيتهم الاولي فلسطين مخرجوش وقالوا بردو غلط

طب مين بقي اللي عمال يعمل الدعواات دي عالفيس بوك
والغريب انها صفحات وجروبات اسلاميه
طب هوا انتو ماشيين بدماغكو يعني ؟
الشيخ يقول اللي علي هواكو تحطوا فيديوهات تأيد الكلام
يقول عكس هواكو ولا كأنه بيقول حاجه
؟
شئ غريب بجد يعني

---

صبحى بيييه ... عندى إستفسار بس إوعى تفتكر إنى بصطاد فى المياة العكرة زى الفضائيات ... :b4_611:

بس هو حضرتك قلت شيوخ السلف أفتوا و بالأدلة ..

هو الشيخ بيفتى فى أى شئ ؟؟ و لو عملته بردوا أبقى حرام ؟؟؟ ولا ده رايهم ؟؟؟ و إيه هى الأدلة ..

و إيه إللى يضمن إنهم يفتوا فى شئ عشان هو شايف إن المصلحة فى كده ( رغم إن ممكن يكون أى حاجة تانية و هو مخطئ) بغض النظر عن نوعية الموضوع ..

أنا حاليا لا تهمنى فلسطين ولا عرب ولا غيره ... يولعوا ..

لما أفوق أنا الأول و أبقى الجامد إللى محدش يقدر عليا .. أبقى أتدخل معاهم و أنصرهم بقوتى .

ربنا يهدي اي متخلف بيلقي بنفسه في التهلكة او غيره بدون اي عائد
دي مطالبات في ظاهرها الرحمة وفي باطنها العذاب
الحقيقة احنا مش مستعدين دلوقت للكلام ده

اقتباس:

---

المشاركة الأصلية كتبت بواسطة seiffoz

صبحى بيييه ... عندى إستفسار بس إوعى تفتكر إنى بصطاد فى المياة العكرة زى الفضائيات ... :b4_611:

بس هو حضرتك قلت شيوخ السلف أفتوا و بالأدلة ..

هو الشيخ بيفتى فى أى شئ ؟؟ و لو عملته بردوا أبقى حرام ؟؟؟ ولا ده رايهم ؟؟؟ و إيه هى الأدلة ..

و إيه إللى يضمن إنهم يفتوا فى شئ عشان هو شايف إن المصلحة فى كده ( رغم إن ممكن يكون أى حاجة تانية و هو مخطئ) بغض النظر عن نوعية الموضوع ..

أنا حاليا لا تهمنى فلسطين ولا عرب ولا غيره ... يولعوا ..

لما أفوق أنا الأول و أبقى الجامد إللى محدش يقدر عليا .. أبقى أتدخل معاهم و أنصرهم بقوتى .

---

لا ياسيف احنا بنصطاد في الترعه :)

اغلبهم قال ان مينفعش تروح تحارب واحد معاه سلاح وانتا اعزل ولا عامل خطه ولا معاك اي حاجه تدافع بيها عن نفسك وتقولي بحارب
ولا ده وقته
واستندوا لايه واعدوا لهم ما استطعتم لتدعيم موقفهم
وكلامهم صح طبعا
اما عن موضوع ان الشيخ بيفتي في اي حاجه
اه طبعا
يفتي في اي حاجه
وانتا عليك بقي اعمال العقل والقلب انك تشوف الشيخ ده فعلا بيستند في فتواه علي ادله شرعيه
ولا بيفتي كده وخلاص

وطبعا هناك رأي الاجماع
يعني لو كذا شيخ افتوا بجواز شئ او عدم جوازه
وشيخ واحد له رأي مخالف
يبقي يؤخذ برأي الاجماع

بطل صيد بقي

شوية عالم صيع وتافهة

لا متحملين مسئولة ولا فاهمين حاجة

حاجة تقرف

مين صاحب دعوات الزحف دى ؟؟

ولو مستواهم العقلى خلاهم يعتقدوا انهم حيحرروا فلسطين بأغانى شادية وعبد الحليم خليهم يروحوا ومع اول قنبلة خلينا نشوف الاغانى حتعمل اية

الواحد خلاص حيفرقع نلاقيها من مين ولا مييين دى بجد حاجة تقرف البلد دى والله بالمنظر دة انسى ياعمرو

بدل ماينزلوا يشتغلوا و يعمروا ويزرعوا لأ رايحين يزحفوا ؟؟!!! جهل مابعدة جهل يالا هى خربت خلاص

الذ حاجه بقي
انهارده جالي رسالتين من جروبين مختلفين

قالك احنا قايلين ان دعوه الزحف بتاعت مصر اتلغت عشان الاوضاع الامنيه بتاعت مصر
وان هما قايلين كده من زمان

امال مين اللي عمال بقاله شهرين يدعو للانتفاضه لانقاذ الاقصي
حاجه غريبه والله
بس العيب مش عليهم العيب عاللي ماشي وراهم وبيزيط في الزيطه

لأ وفى حزب اسمة الكرامة ولا مش عارف اية بيدعوا الى مليونية جديدة بكرة بعد صلاة الظهر قدام سفارة اسرائيل ومطالبة طرد السفير وهد السفارة ويشيلوا العلم يأما فالحرب الحرب !!

اقتباس:

---

المشاركة الأصلية كتبت بواسطة ashouhdy

لأ وفى حزب اسمة الكرامة ولا مش عارف اية بيدعوا الى مليونية جديدة بكرة بعد صلاة الظهر قدام سفارة اسرائيل ومطالبة طرد السفير وهد السفارة ويشيلوا العلم يأما فالحرب الحرب !!

---

ده والله أعلم في شبهة في أهدافهم بيضغطو على القوات المسلحة بأشاعة حالة من الفوضى في مقابل أبتزاز سياسي

................ منقول ............................
أصدر 150 عالماً بالدعوة الإسلامية والشريعة والقانون، بياناً وصفوا فيه الدعوة للزحف إلى فلسطين بالخيانة للأمة وسلب اختصاص الجيش، معتبرين أن تلك الدعوة تأتى لصالح جماعات تريد أن تتسيد باللعب على عواطف الجماهير.

وأكد الدكتور جميل أحمد علام، عميد الدراسات الإسلامية بالإسكندرية، أن 150 عالماً من الشريعة والقانون يرون أن دعاوى الزحف والنفير إلى فلسطين، هى لمصالح فردية وجماعات على حساب مستقبل الإسلام والأمة، وأن هذا التصرف من شباب متحمس وجماهير عاطفية غير معدة عسكريا ولا قتاليا ولا مجهزة جهاديا، مؤكدا أن تلك الدعاوى تخالف معايير الشريعة الإسلامية وأحكامها، مما ينم عن جهل بالشريعة أو عدوان عليها وخيانة للأمة.

وأكد علام أن علماء الدعوة الإسلامية وعلماء الشريعة والقانون ومحاضرى المراكز الإسلامية فى العالم يدينون هذه الدعوة، ويحذرون من مغبتها ومخاطرها، موضحا أنه من المقرر فى أحكام الشرعية عند علماء أئمة أهل السنة أنه ليس من حق آحاد الناس الدعوة إلى النفير أو الجهاد أو القتال، وأن حكم الأمر بالقتال تطبيقا لقول الله تعالى "انفروا خفافا وثقالا وجاهدوا بأموالكم وأنفسكم فى سبيل الله ذلكم خير لكم ..."، وقوله تعالى "وأعدوا لهم ما استطعتم من قوة ومن رباط الخيل ترهبون به عدو الله وعدوكم وآخرين من دونهم لا تعلمونهم"، مشيرا إلى أن علماء أهل السنة أجمعوا على أنه لا يجوز لآحاد الناس أن يدعوا الناس إلى الجهاد، وإن كان الجهاد فرضا إلى يوم القيامة وإنما الحاكم القائد الأعلى للدولة هو المختص بالدعوة إلى الجهاد وإبرام الصلح مع أعداء الأمة والكف عن القتال.

وأضاف أنه من المقرر شرعا عند علماء أهل السنة أن حكم الدعوة إلى الزحف أو الجهاد والنفير هو الحكم الوحيد الخاص بولى الأمر للدول القائد للجيش حتى ولو كان حاكما غير رشيد وفاسقا، حتى لا تتنازع الأمة فى القتال وحتى لا تقع فى مخالفة لقوله تعالى "ولا تنازعوا فتفشلوا وتذهب ريحكم واصبروا إن الله مع الصابرين"، حيث إن هذا الأمر لم يصدر من المجلس الأعلى العسكرى الذى يمثل قيادة مصر فى هذا التوقيت الحرج.

وأكد جميل أن علماء الشريعة يحذرون من تلك الدعوة ومن الداعين إليها والانسياق وراءها، وأن هذه الدعوة تمثل أيضا تضيعا لجهود شبابنا وافتراء على سمعة الإسلام والمسلمين، حيث إن هؤلاء الشباب ليسوا مستعدين عسكريا وليسوا مسلحين قتاليا للقيام بهذا الواجب، مشيرا إلى أننا جميعا نتمنى تحرير الأقصى واستعادة فلسطين، فهذا واجب علينا، ولكن يجب أن يسبق ذلك كله التخطيط العلمى المدروس والقيادة العسكرية الخبيرة التى ألزمنا الله بها فى قوله تعالى "فسئلوا أهل الذكر إن كنتم لا تعلمون".

وأوضح أن الانسياق وراء هذه الدعوات ضررها جسيم، وهى توريط الأمة فى عمل غير معد ومخطط له من جهة الاختصاص، وهى القيادات العسكرية، الضرر الثانى استغلال الجماهيرية العاطفية التى تبتز مشاعر البسطاء وعواطف الجماهير المحبة لدينها وللمسجد الأقصى والتى ترغب فى تحرير فلسطين من الظلم والاستبداد وما ذلك إلا ابتزاز واستغلال لمشاعرهم لتحقيق مصالح جماعاتية تريد التسيد والاستعلاء وتحقيق جماهيرية عاطفية لأغراض دنيوية خسيسة دنيئة.

وأضاف أن الضرر الثالث هو الوقيعة بين الجيش والإسلاميين، حيث إن الاختصاص بالنفير والزحف هو اختصاص الجيش وأركانه وليس من حق الإسلاميين أن يسلبو الجيش اختصاصه وأنه من الخيانة، أما الضرر الرابع هو استفزاز القوى الخارجية لإجهاد ثورة 25 يناير بدعوى أن هذه الثورات ستؤدى لوصول المتطرفين إلى سدة الحكم وبالتالى تهديد الأمن العالمى، وتأكيد مخاوف الإخوة المسيحيين والمستثمرين ضد الإسلاميين وطموحاتهم وتصرفاتهم، وبالتالى تكون الوقيعة داخل المجتمع ونسيجه وتكون دمارا لاقتصاده، وطالب العلماء فى بيانهم الجميع أن يستمعوا لصوت العقل والشرع وأن يوفروا الإمكانيات والإنفاق على السفر بالشراب والطعام على أنفسهم خلال سفرهم إلى غزة، وأن يتبرعوا بها لصالح الدواء والعلاج وعلى كل من يريد الذهاب التطوع بالقوات المسلحة وأداء الخدمة العسكرية والتدريب على فنون الحرب قبل الزحف.

الى عاوز يروح يحرر ارض لما يتعلم يضرب رصاصة واحدة الاول مش يلعب بمسدس صوت و لا بندقية رش يبقى يروح يتدرب الاول و يطلع يحارب . أنما غشيم متعافى يجر الامة لحرب يبقى لآ و الف لآ كمان